Роналду муваффақиятга эришишнинг ягона сирини очди

“Ан-Наср” ва Португалия терма жамоаси ҳужумчиси Криштиану Роналду замонавий футболда жуда катта ютуқларни қўлга киритган.

Беш карра “Олтин тўп” соҳиби расмий учрашувларда энг кўп гол урган, халқаро миқёсда энг кўп тўп киритган ва гол уриш бўйича минглик довонга яқинлашиб бораётган рекордчи ҳисобланади.

40 ёшли футболчининг ҳамон юқори савияда ўйнаётгани, жисмоний ҳолати ва самарадорлигини узоқ муддатдан бери ушлаб тургани кўпчиликни қизиқтиради. Шу боис, Роналду муваффақиятлари сирини очди.

- Машаққатли меҳнат – муваффақиятга эришишнинг ягона йўли, - деди Криштиану Роналду.

Роналду гол уришда ҳам, пул топишда ҳам етакчи ўйинчилардан ҳисобланади. “Ан-Наср” португалиялик юлдузнинг бир йиллик меҳнати учун 200 миллион евро атрофида хизмат ҳақи тўламоқда.