Роналду нега Барселонага келди?

Хабарингиз бор "Ювентус" клуби форварди Криштиану Роналду Португалия терма жамоаси сафида Сербияга (1:1) қарши бўлиб ўтган ўйинда жароҳат олганди. 34 ёшли футболчи кечаги ўйиннинг 30-дақиқасида жароҳат олди ва захирага олинди.

RAC1 тарқатган хабарга кўра Роналду бугун тиббий кўрикдан ўтиш учун Барселонага келган. Бу ерда у чуқурлаштирилган тиббий кўрикдан ўтказилади ва жароҳати ҳақида тўлиқ маълумотга эга бўлади.

Маълумот учун, Роналду жорий мавсум “Юве” сафида жами 36та ўйинда майдонга тушди ва ўз ҳисобига 24та гол ҳамда 12та голли узатма ёздириб қўйишга эришди. Унинг туринликлар билан амалдаги шартномаси 2022 йилга қадар имзоланган.