Роналду ўғли футбол ўйнолмаса нима қилишини айтди

40 ёшини қарши олган Криштиану Роналду ўзининг тўнғич ўғли билан бир жамоада ўйнаш имконияти ва агар у футболчи бўлмаса, нима қилиши ҳақидаги саволга жавоб қайтарди.

- Ўғлим билан бирга ўйнаш истагим бор, албатта. Лекин бу мени кечалари безовта қиладиган масала эмас. Нима бўлишини келажак кўрсатади.

Бу кўпроқ менга эмас, ўғлимга боғлиқ. Йиллар ўтяпти. Мен фаолиятимни чўзишим мумкин, бироқ барибир футболдан кетадиган куним келади.

Шу боис, ўғлим билан ўйнаш масаласига у қадар эътибор қаратмайман.  

Ўғлим ўз йўлидан кетади ва қандай касбни танлашидан қатъи назар мен ундан фахрланаман. Агар фубол ўйнаса, зўр бўлади, ўйнамаса,  ҳар ҳолда мун унинг футболчи бўлиши учун қўлимдан келган ҳамма нарсани қилган бўламан. Бу муаммо эмас, - деди Криштиану Роналду.

“Ан-Наср”да ўйнаётган португалиялик ҳужумчи футбол тарихида расмий учрашувларда энг кўп гол урган футболчи ҳисобланади. Ҳозир Роналдунинг ҳисобида 921 та гол бор.