Роналду: Ўғлимнинг онгини заҳарлашяпти
"Реал" ва Португалия терма жамоаси етакчиши Криштиану Роналду турли гап-сўзлар билан ўғлининг онгига таъсир қилишга ҳаракат қилаётган ғаразли одамлар борлигини айтди.
- Баъзан одамлар ўғлимга унинг отасидан зўр футболчи борлигини айтиб, онгини заҳарламоқда, - деди Криштиану Роналду. - Ўғлим ақлли бола ва унга кўпинча бундай ҳолатларда қандай йўл тутиш ва хотиржам бўлиш ҳақида гапираман. Дунёда ҳасадгўй одамлар борлиги туфайли у бунақа нарсаларга кўникиши керак.
Криштиану Роналду ўғли келажакда зўр ҳужумчи бўлишини истайди. Шунингдек, португалиялик футбол юлдузи ўғлининг дарвозабон бўлишини ҳазм қилолмаслигини ҳам айтган.
Фикрлар