Роналду "Олтин тўп" ҳақида гапиришни истамади
"Ювентус" клуби ва Португалия терма жамоаси ҳужумчиси Криштиану Роналду "Олтин тўп"ни қўлга киритиш учун имкониятлари борасидаги саволга жавоб бермади.
"Баҳсдан мақсад - яхши ўйнаб, ғалаба қозониш. "Олтин тўп" ҳақида эса гапирмайман", - деди португалиялик юлдуз Goal.com нашрига берган интервьюсида.
Эслатиб ўтамиз, Криштиану жорий йилги мавсумда "Ювентус" сафида Италия чемпиони бўлди ва мамлакат Суперкубогини қўлга киритди. Португалия терма жамоаси сафида эса Миллатлар лигасида ғолиб чиқди.
Маълумот учун, Роналду сўнгги 11 йил ичида 5 бор (2008, 2013, 2014, 2016 ва 2017 йилларда) "Олтин тўп"ни қўлга киритди. Аргентиналик Лионель Месси ҳисобида ҳам шунча "Олтин тўп" мавжуд. Ўтган мавсум эса мазкур нуфузли мукофот хорватиялик Лука Модричга насиб этган эди.
Матнда хатолик топсангиз, ўша хатони белгилаб, бизга жўнатинг (Ctrl + Enter)
Фикрлар