Роналду ўрнига Салоҳ. Саудияликлар Муҳаммадга даҳшатли маош таклиф қилди

Саудия Арабистони Профессионал лигаси “Ливерпуль”нинг энг зўр тўпурари Муҳаммад Салоҳни олиб келиш учун тажрибали футболчига ҳозирги олаётганидан маошидан уч баравар кўп пул тўлашга тайёр.

Айни пайтда Профессионал лига ўзининг энг катта юлдузи Криштиану Роналдудан айрилиш хавфи остибда турибди.

“Ан-Наср”да ҳафтасига 3,35 миллион фунт стерлинг ишлаб топаётган Роналдунинг Профессионал лига ва ўзининг клубидаги трансфер сиёсатига нисбатан эътирозлари кучайиб бормоқда.

Саудия Арабистонида 41 ёшли португалиялик футболчи Европа сари қайтиб, фаолияти давомида 1000 та гол уриш мақсадига эришиш йўлида ҳаракатни давом эттиришидан жиддий хавотир олишмоқда.

Роналду атрофидаги вазият Саудия лигасининг Салоҳни қўлга киритиш истагини янада кучайтирмоқда. Айни мавсум якунидан кейин мисрлик футболчининг шартномасига атиги 12 ой қолади.

“Ливерпуль”да Салоҳ ҳафтасига 400 минг фунт стерлинг маош олади, бироқ саудияликлар 33 ёшли мисрлик футболчига бу миқдордан уч баравар кўпроқ тўлашга тайёр. Бу ҳақда Daily Mirror ўзининг эксклюзив материалида хабар бермоқда.

Аввалроқ Салоҳ бир неча бор саудияликлар таклифини рад этган, аммо жорий мавсумда Муҳаммаднинг ўйинида кузатилган сезиларли пасайиш ва унинг “Ливерпуль” бош мураббийи Арне Слот билан яқиндаги можароси шайхларда ўйинчининг танловига таъсир қилишига умид уйғотмоқда.