Роналду ўрнига зўр ҳужумчи келади!

“Манчестер Юнайтед” ҳужумчиси Криштиану Роналдунинг жамоадаги келажаги ҳамон мавҳумлигича қолмоқда.

Бош мураббий Эрик тен Хаг португалиялик юлдуз жамоада қолишини таъкидлаган бўлса-да, Роналду мавсумолди машғулотларга келгани йўқ.

Клуб мутасаддилари эса зудлик билан Роналдуни ўрнини босадиган ҳужумчи қидирмоқда. Номзодлар рўйхатига “Лион” вакили Мусса Дембеле киритилди.

Дембелега Британия футболи бегона эмас. У профессионал фаолиятини “Фулхэм”да бошлаган. Шунингдек, “Селтик” сафида тўп тепган. “Лион”дан ташқари Мадриднинг “Атлетико” жамоасида ўйнаган.

Бу трансфер манчестерликларга 20 миллион евро атрофидаги суммага тушади.