Роналду ўзи ўйнаётган клуб эгасига айланади

Португалия терма жамоаси сардори Криштиану Роналду ўзи ўйнаётган клуб – “Ан-Наср” хўжайинлари сафига қўшилиш имконига эга бўлди.

Marca нашрининг маълум қилишича, 39 ёшли юлдуз айни пайтда риёдликлар билан ҳамкорлик масаласила музокара олиб боряпти.

“Ан-Наср” унга бир йиллик келишув ва бу муддат учун 200 минг еврога яқин маош бермоқчи. Бундан ташқари,  раҳбарият Криштиану Роналдуга “Ан-Наср”нинг беш фоизлик акцияларини олиб, клуб эгалари қаторига қўшилишни таклиф қилган.

Роналду 2023 йилнинг январидан бери “Ан-Наср” шарафини ҳимоя қилиб келмоқда. Бу жамоа сафида ҳозиргача 90 та учрашувда майдонга тушган Криштиану ўз ҳисобига 81 та гол ёздириб қўйди.