Роналду Саудия лигасига даҳшатли миқдорда зиён келтирди

FOX Sports Саудия Арабистони  Профессионал лигаси билан ҳамкорликни тўхтатган биринчи йирик халқаро телетарқатувчига айланди. Бу ҳолат Криштиану Роналду атрофидаги давом этаётган вазият фонида юз бергани ҳақида Speedline нашри ўзининг X (Twitter) тармоғида хабар бермоқда.

Қайд этилишича, ушбу қарорнинг оқибатлари жуда жиддий бўлиши мумкин: мавжуд маълумотларга кўра, лига глобал медиа ва тижорий лойиҳалари билан боғлиқ ҳолда аллақачон 2,4 миллиард АҚШ доллари миқдорида зарар кўрган.

Экспертларнинг таъкидлашича, Роналдунинг норозилиги ва бойкотидан келиб чиққан  ушбу вазият Саудия Про-лигасининг халқаро имижи учун бурилиш нуқтасига айланиши мумкин, атрофидаги воқеалар эса ҳали-ҳануз катта эътиборни жалб қилмоқда.

Эслатиб ўтамиз, Криштиану Роналду чемпионатдаги сўнгги трансферлардан, хусусан, асосий рақобатчи “Ал-Ҳилол” бошқа клуб – “Ал-Иттиҳод”дан Карим Бенземани олганидан  норози бўлгани сабабли “Ан-Наср” ўйинларини бойкот қилмоқда.