Роналду тўламаган солиқлар синчиклаб текширилмоқда

Мадриднинг “Реал” клуби ҳужумчиси Криштиану Роналдунинг солиқларни тўламаганлиги устидан олиб борилаётган текширувлар давом эттирилмоқда.

Mundo Deportivo нашри тарқатган хабарга кўра, Испания молия вазирлиги бу ҳақдаги маълумотларни йиғишда давом этмоқда. Яқин вақт ичида барча кўрсатмалар прокуратурага жўнатилади.

Эслатиб ўтамиз, аввалроқ Роналду солиқларни четлаб ўтиш мақсадида пулларини офшорли фирмалардан усталик билан фойдаланганлиги хабар қилинган эди.