Роналду учун пулни аямаймиз!

“Ювентус” спорт директори Фабио Паратичи жамоа етакчиси Криштиану Роналдуга келаси мавсумда ҳам 31 миллион евро миқдорида маош тўланиши ҳақидаги саволга жавоб қайтарди.

- Ҳозир ноаниқликлар даврини бошдан ўтказаётган пайтимизда ҳам масъулиятни ҳис қилишимиз керак бўлади. Криштиану Роналду оддий футболчи ёки спортчи эмас, у жамиятдаги мавқеи баланд инсон. Бу унинг маошида ҳам ўз аксини топади. Тадқиқотлар унинг медиа оламда энг машҳурлардан эканини тасдиқламоқда. Шу билан у бошқа ўйинчилардан кескин фарқ қилади, - деди Паратичи.

Шунингдек, Турин клуби раҳбарияти ҳали португалиялик юлдуз билан янги шартнома бўйича музокаралар бошланмаганини маълум қилди.

Клуб билан амалдаги битими келаси йили ёзда якунланадиган Роналду жорий мавсумда  А Серияда 27 та учрашувда 25 та гол уришга муваффақ бўлди.