Роналду ва Бэйлни нишонга олган снайпер қўлга олинди
Испанияда футбол оламининг машҳур юлдузлари ҳаётига таҳдид солган снайпер тўққиз йил қамоқ жазосига ҳукм қилинди.
Гап шундаки, Рамирез фамилияли мерган "Реал" жамоасининг машғулотлар базасидаги машиналар тураргоҳи яқинига жойлашиб қолган. "Эл Cнайпер" лақабини олган бу мерган милтиқнинг оптик қурилмаси орқали Криштиану Роналду, Гарет Бэйл, Флорентино Перес ва Карло Анчелоттини нишонга олган ва шуларни суратга муҳрлаган. Хавфни сезган клуб ходимлари дарҳол полицияга мурожаат қилди. Полиция ходимлари мерганни тинтув қилганида кўплаб ана шундай файллар топилди.
Рамирезга ноқонуний қурол сақлаш айби қўйилиб, қамоққа равона қилинди.
Мерганнинг ўзи бу ҳаракати орқали футбол юлдузларининг ҳозирги хавфсизлиги умуман талабга жавоб бермаслигини амалда кўрсатиб бермоқчи бўлганини айтмоқда.
Фикрлар