Роналду ва Бонуччи эртага "Ювентус"ни чемпион қилиши мумкин бўлган ўйинда иштирок этмайди

Туриннинг “Ювентус” клуби форварди Криштиану Роналду эртага СПАЛга қарши бўлиб ўтадиган ўйинда иштирок этмайди.

Бу ҳақда жамоа бош мураббийи Массимилано Аллегри ўйиндан олдин ўтказилган матбуот анжуманида айтиб ўтди.

Унинг сўзларига кўра шу куни жамоанинг етакчи ҳимоячиси Леонардо Бонуччи ҳам ўйнамайди. Мураббий унга ҳам худди Роналду сингари қўшимча дам беришга қарор қилган.

Эслатиб ўтамиз, агар “Ювентус” эртага ҳеч бўлмаганда бир очкони қўлга киритса, муддатидан аввал чемпионликни расмийлаштириши мумкин.