Роналду ва Мессининг даври тугади (ми?)

ПСЖ ҳужумчиси Лионель Месси ва “Манчестер Юнайтед” футболчиси Криштиану Роналду УEФА талқини бўйича ўтган мавсумнинг энг яхши 15 нафар футболчиси орасига киритилмади.

Кучли учликка Тибо Куртуа, Карим Бензема ва Кевин Де Брюйне кирди. Қолган ўринларни эса Роберт Левандовски, Лука Модрич, Садио Мане, Муҳаммад Салоҳ, Килиан Мбаппе, Винисиус Жуниор, Виржил ван Дейк, Бернарду Силва, Филип Костич, Лоренцо Пеллегрини, Трент Александер-Арнольд ва Фабиньо банд қилган.

Ғолиб номи 25 август куни Чемпионлар лигасининг 2022/23 йилги мавсуми гуруҳ босқичига қуръа ташлаш маросимидан олдин бўлиб ўтади.

35 ёшли Месси ўтган мавсум парижликларнинг барча мусобақалар доирасидаги 34 та ўйинда майдонга тушиб, 11 гол ва 15 та голли узатмани амалга оширган.

Роналду якунига етган мавсум “Манчестер Юнайтед” сафида 38 ўйин ўтказиб, 24 та гол ва 3 та голли узатма муаллифига айланган.