Роналду яна бир ижтимоий тармоқни эгаллашни бошлади

 Криштиану Роналду ўзининг “YouTube” каналини очди.

“Ан-Насср” ва Португалия терма жамоаси ҳужумчиси ўзининг ижтимоий тармоқларида расмий канал очилганини маълум қилди.

“Кутишни тугатинг! Ниҳоят, менинг “YouTube” каналим бор! Обуна бўлинг ва  янги саёҳатда менга қўшилинг”, — деб ёзиб қолдирди португалиялик супер юлдуз.

Расмий эълондан кейин бир соатдан камроқ вақт ичида Роналдунинг каналига 900 мингдан ортиқ киши обуна бўлди.