Роналду яна бир ўйинни ўтказиб юборадими?

Туриннинг "Ювентус" клуби форварди Криштиану Роналду А Сериянинг 20-туридан ўрин олган "Парма"га қарши ўйинда жамоасига ёрдам беролмаслиги мумкин. Бу ҳақда Corriere dello Sport нашри хабар тарқатмоқда.

Юқоридаги манбаага кўра 34 ёшли португалиялик футболчи бетоблиги сабаб ҳали ҳам машғулотларга қўшилмаган. Таъкидлаш керакки, у худди шу сабаб билан “Удинезе”га қарши бўлиб ўтган Италия кубоги нимчорак финал баҳсини ҳам ўтказиб юборган эди.

Эслатиб ўтамиз, "Ювентус" - "Парма" учрашуви 19 январь куни Тошкент вақти билан 00:45 да бошланади.

Матнда хатолик топсангиз, ўша хатони белгилаб, бизга жўнатинг (Ctrl + Enter)