Роналду яна битта гол урса нима бўлишини биласизми?

Криштиану Роналду А Сериянинг навбатдаги турида “Сассуоло” дарвозасини ишғол қилганидан кейин профессионал фаолиятида урган голлари сонини 759 тага етказиб олди. У бу кўрсаткич бўйича 65 йилдан бери сақланиб келаётган рекордни такрорлади. Роналдуга бу натижага эришиш учун 1037 та учрашув керак бўлди.

Аввалги рекорд натижани 1931-1955 йилларда тўп тепган чехиялик ҳужумчи Йозеф Бицан қайд этган бўлиб, фаолияти давомда 759 та гол урган. Энди Криштиану Роналду яна битта аниқ зарба билан янгиланиши қийин бўлган тарихий рекорд – дунёда расмий учрашувларда энг кўп гол урган футболчига айланади.

Яқинда португалиялик ҳужумчи 817 та учрашувда 757 та гол урган футбол қироли Пеледан ўзиб кетган эди.