“Ювентус” нинг акциялари қиймати тушиб кетди. Ҳомийлар Роналду билан гаплашишга уялишмоқда.

“Оилам, болаларим билан ҳаммаси жойида, футболда ҳам ишлар ажойиб” –Италиядаги воқеаларга жавобан жонли эфирда Роналду худди шундай сўзларни айтди.

Шу куннинг ўзидаёқ Криштиану бу зўрлашда айблаш фейк хабар эканлигини, унинг номидан пиар учун фойдаланмоқчи бўлишаётганини айтди. Бу сафар ҳаммаси Роналду ўйлагандек оддий эмас.

2009 йилда бўлган воқеа

2009 йил июнь ойида Роналду амакиваччаси ҳамда синглисининг турмуш ўртоғи билан “Реал”га кўчиб ўтганини нишонлаш учун Лас-Вегасга учишди. Тунги клубга боришди. Криштиану клуб ҳодими- Кэтрин Майорга билан суҳбат қураётган вазият видеода муҳрланган.

Лас-Вегасда аёлларни тунда “ҳамроҳлик” қилишга олиб кетиш қонун билан таъқиқланган. Демак Роналду ундай қилиши мумкин эмас эди. Кэтриннинг сўзларига кўра, ўша куни Роналду уни хонасига чақирган ва уни унга “бирга бўлиш”ни таклиф қилган. Рад жавобини эшитгач, уни зўрлаган. Майорга полицияга қўнғироқ қилган.

Полицияга қўнғироқ сақланиб қолинган. Унда “жинсий зўрлаш” бўйича тазйиқ бўлаётгани баён қилинган. Суҳбатда Роналду тилга олинмаган аммо айбдор машҳур спортчи эканлиги айтилган. Тиббий кўрик ҳам қизда “жисмоний яқинлик” ихтиёрий бўлмаганлигини қайд этди.

Шундан сўнг Майорганинг адвокатлари прокуратурага эмас, балки Роналдунинг вакилларига мурожаат қилишди. Айнан мана шу сўзлашувлар Роналдуга қарши ишламоқда. Роналду бунда Переснинг қўли борлигига ишонмоқда. Бу бекорга эмас. Айнан “Реал” билан келишувга эришилаётган пайтда қизга айбловларни ошкор қилмаслик учун 375минг доллар тўланаётганидан Переснинг хабари бор эди.

100 млн евро тўланаётганда бу сумма “копейка”, аммо ишга Майорганинг янги адвокати қўшилган: “Роналду мижозимга қўлини теккизмаган бўлса, нега туҳмат учун судга бермади-ю, пул тўлади?” Айнан мана шу важ билан иш яна қўзғалди.

“Жиноятни ошкор қилмаслик” шартномаси судда қизга нисбатан босим ўтказилган деб топилиб, ноқонуний деб топилади. Бундан ташқари, Майорга маълумотлар тарқаб кетгач ОАВга интервью берган. Бу унинг мажбуриятларини бузганини билдиради. Бундай пайтда кўпинча жабрланувчилар ана шундай қилишлари шарти қўйилган бўлиши мумкинлиги таъкидланмоқда.

2018 йилдаги воқеалар

Роналдунинг зўрлаш жиноятида айбдор деб топилиши мумкинлиги маълум бўлгач, “Ювентус” акциялари арзонлашди ва кўпчилик ҳомийлар ўз саҳифаларидан Роналдунинг расмини олиб ташлашни сўрашди. Бошқалари эса умуман шартномани бекор қилишмоқчи.

Португалик футболчини бундай жиноятда айбланиши биринчи марта эмас. 2005 йилда Лондон полицияси томонидан айнан мана шу жиноятда айбланган Роналду аввалига қамоққа олинди, кейин эса қўйиб юборилди. Майорганинг адвокатлари ўша қизни ҳам топишиб, биргаликда гуруҳ бўлиб судга мурожаат қилишни мақсад қилган.

Агар ўшанда ҳам МЮ ва Роналду бу маълумотни ошкор қилмаслик учун пул тўлашган бўлса, адвокат ушбу ҳақиқатни судга ва ҳакамлар ҳайъатларига исбот учун қўллайди – айбланувчида зўрлаш ва уни сотиб олишга мойиллик бор.

Бундан ташқари судга 2007 йилда футболчиларнинг тазйиқи ва қўполлиги, Роналдунинг унга нисбатан “шафқатсиз муносабатда” бўлганлигида айблаган Буюк Британиялик қиз ҳам чақирилиши мумкин. Ўшанда ҳам Роналдунинг адвокатлари буни туҳмат эканлигини исботлаб, қонун олдида ўша қизга нисбатан чора кўришмаганлиги янги судда “қурол” бўлиб ишлатилиши мумкин.

Роналдуга маъшуқа топиш умуман муаммо эмас, анчагина қизлар унинг турмуш ўртоғига ҳавас билан қарашади. Аммо Кришга нима тўғри нима нотўғри эканлигини айтиб турувчи одам керак, шекилли.

Энди нима бўлади? Бунинг АҚШга нима даҳли бор?

Невада штати прокуратураси 9 ёшли қизни зўрлаш бўйича жиноий ишни қайта кўриб чиқади. Исмлар бошқа-бошқа, аммо кўп нарса мос келмоқда…Роналду руҳий тазйиқ ўтказганлиги бўйича жиноий жавобгарлик очилиши мумкин.

Адвокатлар Кэтрин беқарор бўлиб қолганини, ўз шахсий ҳаётида, иш излашда қийинчиликларга дуч келганини ва америкаликлар жинсий жиноятлар ҳақидаги ҳикояларни ёритадиган # МеТоо (“Менга ҳам”) ҳаштагини кўриб, ишни давом эттиришга қарор қилганини айтишмоқда.

Харви Вайнштейн – бир қанча филмлар продюсери, Луис Си Кей – машҳур комик, ва “Оскар” эгаси актёр Кевин Спейси худди шундай муаммолар марказида бўлишган. Барча ҳолатларда уларнинг айби исботланиб, ишдан хайдалишган. Ҳозирда судья Бретт Кавана – АҚШ Олий суди ҳодими, университетнинг биринчи курс талабасини “зўрлаш”да айбланмоқда.

Кавана айбловларни тан олмади. Агар унинг сўзлари ёлғон бўлса, қамоққа олинади. Кўриб турганингиздек, Роналдунинг “иши” сабаб АҚШда бундай жиноятларнинг бари қайта кўриб чиқилиши, жазо қаттиқ бўлишини кутиш мумкин.

Роналду учун вазият жуда ноқулай. Океан ортида ҳозир фуқаролик уруши кетмоқда. Аёллар зулм ўтказган ва кейин жиноятларни пул билан сотиб олган эркакларга қарши! Европадагилар ўйлагандек бу иш осон бўлмайди! Агар Роналду Америка судида айбдор деб топилса-ишлар пачава!

У билан бевосита ва билвосита Америкага боғланган компаниялар ҳамкорлик қилишмайди. Ҳеч қайси топ клублар у билан шартнома имзолай олишмайди.

Криштиану ва Кэтриндан бошқа ҳеч ким ўша кеча воқеа айнан қандай бўлганини била олмайди. Бундай тунда яна нималар бўлиши мумкинлиги қизиқ…”Пиар сифатида фойдаланишмоқчи» деган жумла эскириб бўлди. Бу билан ишни юта олмайди. Бу вазият барча соҳада ишлаётган эркаклар учун бир сабоқ бўлса, ажаб эмас.

Криштиану бу ишларда ҳам, “Валенcия” билан ўйиндаги қизил карточкада ҳам Пересни айбламоқда. Модричнинг совринида ҳам Перес асосий роль ўйнаганини таъкидлаяпти. Ҳаммаси майли-ю, аммо Лукага бутун дунёдан овоз беришгани ҳеч кимга сир эмас. Назаримда, адвокатлар мана шундай вазиятда ишни очишгани, Роналдуни “қамал” қилишда айни вазиятни танлай олишганидан.

Европада Кэтриннинг фақат пулни хоҳлаётгани, ҳеч қандай адолат унга керак эмаслигини айтишмоқда. Аммо АҚШда бундай вазиятларда пул аралашиши энг хунук иш эканлиги, жабрланувчиларга ҳеч ким ишонишмаётгани, айбдорлар ишни пул ҳал қилмаса, зўравонлик ишлатгани бўйича ишлар очилиб, жиддий кураш олиб борилиши таъкидланмоқда.

Роналду судга биринчи марта ташриф буюраётгани йўқ. Ҳозирги ишда Роналдунинг адвокатлари анча қийналишади.

Нима бўлганда ҳам, Роналду айбдор эмас, токи бунинг акси исботланмаса.