Роналду яна захирада қоладими?

Португалия терма жамоаси ҳужумчиси Криштиану Роналду Жаҳон Чемпионати чорак финалидан ўрин олган Марокашга қарши учрашувда захирада қолиши кутиляпти. Бу ҳақда "A Bola" нашри хабар бермоқда. 

Португалиялик журналистлар ушбу ҳолатга қуйидагича изоҳ берди. Унга кўра, Швейцарияга қарши баҳсда хет-трик муаллифига айланган Гонсалу Рамуш илк дақиқалардан ҳужум марказида кўриниш бериши кутиляпти. Айни вақтда португал жарима майдончаси ташқарисида ўйнаш, диагоналлар ҳамда рақибни чалғитиш функцияларини у қадар ҳам яхши бажара олмаяпти. 

Роналдуда захирадан майдонга тушиш имконияти бор. Рақиб чарчаган ва консентрацияни йўқотган пайтда Криштиану ўйинга қўшилиб, ҳал қилувчи ролни бажариши кутиляпти.