Роналду ёки Месси? Холланд кимни танлади?

"Манчестер Сити" ҳужумчиси Эрлинг Холанд икки афсонавий ҳамкасби - Криштиану Роналду ва Лионель Месси ўртасида танлов қилди.

Рио Фердинанд подкасти эфирида норвегиялик футболчи бу борада танлов қилиш қийинлигини айтди. Аммо шу билан бирга, у “Лионелнинг чап оёғини эмас, балки Роналдунинг ўнг оёғини танлаган бўлардим” деган фикрни ҳам билдирди.

Эрлинг ўтган ёзда 60 миллион евро эвазига "Боруссия" Дортмунддан "Манчестер Сити"га трансфер қилинган эди. Томонлар 2027 йилнинг ёзига қадар шартнома имзолашган.

Жорий мавсум Холанд 35 та ўйинда майдонга тушиб, 36 та гол (7 та пенальтидан) ва 8 та голли узатмага муаллифлик қилган.