Роналду захирада ўтириши керак!

"Ювентус"нинг собиқ футболчиси Анжело ди Ливио португалиялик ҳужумчи Криштиану Роналдунинг сўнгги учрашувлардаги муваффақиятсиз ўйини ҳақида фикр билдирди.

“Назаримда, уни захирага олиб, ўйин давомида майдонга тушириш керак. Ана шундагина у сўнгги пайтларда етишмаётган ўткирлиги ва қатъиятлилигини қайтариши мумкин. Кўплаб буюк футболчилар захира ўриндиғига ўтиришган. Ўйлайманки, бу Криштиану учун яхши бўлади”, - деди Ди Ливио.

36 ёшли Роналду жорий мавсум “Ювентус” сафида А Серияда 29 та ўйинда майдонга тушди ва ўз ҳисобига 25 та гол ҳамда 3 та голли узатма ёздириб қўйди. Унинг клуб билан амалдаги шартномаси 2022 йилнинг ёзига қадар имзоланган.

Турин супер клуби Роналдуни 2018 йилнинг ёзида 117 млн евро эвазига “Реал”дан сотиб олган эди.

Матнда хатолик топсангиз, ўша хатони белгилаб, бизга жўнатинг (Ctrl + Enter)

Фикрлар

Фикр қолдириш учун авторизациядан ўтинг!
&
ya karol
27/04/2021 15:35
Ronaldo nima bo'lgan taqdirda o'ynashi kerak xar qanday futbolchida xam pasdga tushish davri bo'ladiku

Минбар

Барча блоглар