Роналдудан энг кўп жабр кўрган терма жамоа аниқланди

Миллатлар лигаси доирасидаги учрашувда Португалия терма жамоаси ўз майдонида Шотландияни 2:1 ҳисобида мағлубиятга учратди.

Мезбонларнинг ғалабасини таъминлаган голни ўйиннинг 88-дақиқасида Криштиану Роналду киритди.

39 ёшли ҳужумчи узоқ йиллик фаолияти давомида Шотландия терма жамоасига эндигина йўл топа олди холос.

Stats Foot статистика маркази Криштиану Роналдунинг тўпурарлик борасида янги рекордларни қайд этди. Унга кўра, Шотландия машҳур ҳужумчидан гол ўтказган 48-мамлакат бўлди. Футбол тарихида Роналду бу кўрсаткичга эришган ягона футболчи сифатида рекорд ўрнатди.

Умуман олганда, Роналдудан энг кўп жабр кўрган терма жамоа Люксембург ҳисобланади. Криштиану бу мамлакат футболчиларига қарши баҳсларда жами 11 та тўп киритган. Кейинги ўринларда Роналдудан еттитадан гол ўтказган Швеция ва Литва ўрин олган.