Роналдудан яна бир рекорд

Туриннинг "Ювентус" клуби форварди Криштиану Роналду рекордлари сонини яна биттага ошириб олди.

Гап шундаки, 34 ёшли португалиялик футболчи еврокубокларда 125та гол урган илк футболчига айланди. Таъкидлаш керакки, кеча “Атлетико”га (3:0) қарши ўйинда қайд этган хет-тригидан сўнг Роналду ҳисобидаги ушбу голлар сони 127тага етди.

Эслатиб ўтамиз, Роналду ўзининг еврокубоклардаги биринчи голини 2005/06 йилги мавсумда киритган эди. Ўшанда у “Манчестер Юнайтед” шарафини ҳимоя қилар эди.

Маълумот учун, Криштиану Роналду фаолияти давомида еврокубокларда жами 176та ўйинда иштирок этган.