Роналдудан юз ўгиришди

Қария юлдузга жамоа топиш қийин бўлар экан. Замонавий футболнинг энг зўр тўпурари Криштиану Роналдуга жой берадиган жамоа топилмаяпти.

“Ювентус” бош мураббийи Массимилиано Аллегри жамоада ислоҳот қилиш учун маблағ талаб қилмоқда ва буни Роналдуни сотиб юбориш орқали келадиган трансфер суммаси ва ҳужумчининг маошидан тежаладиган пул эвазига амалга оширмоқчи.

Клубдагилар ҳам португалиялик юлдузнинг кетиши жамоага ижобий таъсир қилишини таъкидламоқда.

Роналдунинг ўзига жамоа топилмаяпти. Яқинда Килиан Мбаппе ПСЖнинг олти йиллик шартномасини рад этганидан кейин парижликлар унинг ўрнига Роналдуни олиб келишини кутганди.

Бироқ, ПСЖ ҳам бу трансфер уларга керак эмаслигини билдирди. Футболчининг агенти Жорже Мендеш “Манчестер Сити”дан Роналдуни олишни сўрамоқда. Ҳозирча, Хосеп Гвардиола бу таклифга муносабат билдиргани йўқ.