Роналдунинг голлар серияси нечтага етди?
"Ювентус" ҳужумчиси Криштиану Роналду А Сериянинг 21-тури доирасида кечган "Наполи" (1:2) га қарши учрашувда гол урди.
Шу тариқа, португалиялик футболчи охирги 8 та беллашувда гол уришга эришди. Ушбу баҳсларда ҳужумчи ўз ҳисобига умумий 12 та гол ёздириб қўйди.
Италия чемпионатининг жорий мавсумида Роналдунинг умумий голлари сони 17 тани ташкил этмоқда ва у тўпурарлар рўйхатида иккинчи ўринда бормоқда. Ундан фақатгина "Лацио" форварди Чиро Иммобиле (23 та) кўпроқ гол урган.
"Юве" футболчиси фаолияти давомида "Наполи"нинг "Сан-Паоло" ўйингоҳида илк бор гол урди.
Фикрлар