Роналдунинг жамоаси молиявий қийинчиликларга дуч келди

Саудия Арабистони чемпиони ҳисобланган "Ан-Наср" клуби молиявий қийинчиликларга дуч келиб, июнь ойи учун барча футболчиларга тўлиқ маош тўлай олмаган. Бу ҳақда Arriyadiyah нашри хабар берди.

Манба маълумотларига кўра, жамоанинг бир нечта ўйинчилари ёзнинг илк ойи учун маошни қисмангина қабул қилган. Клуб раҳбарияти яқин вақт ичида барча қарзларни тўлиқ ёпиш устида иш олиб бораётгани қайд этилган.

Молиявий муаммолар сабаб хориатлик ярим ҳимоячи Марсело Брозович жамоани тарк этганидан сўнг унинг ўрнига легионер футболчи олиш жараёни ҳам вақтинча тўхтаб қолган. Клуб молиявий вазият аниқлашмагунча янги футболчилар билан музокара бошлашни кечиктирмоқда.

Эслатиб ўтамиз, ўтган мавсумда "Ан-Наср" 2019 йилдан буён илк бор Саудия Арабистони чемпиони бўлди. Жамоа сафида беш карра "Олтин тўп" соҳиби, португалиялик юлдуз Криштиану Роналду ҳам тўп сурмоқда.