Роналдунинг олдида икки йўл бор

"Манчестер Юнайтед" ҳужумчиси Криштиану Роналдуда фаолиятини давом эттириш учун иккита вариант бор, деб хабар берди “L'Equipe” нашри.

Манбага кўра, 37 ёшли португалиялик футболчи "Атлетико"га ўтади ёки "Манчестер Юнайтед"да қолади.

Қайд этилишича, Мадрид клуби ҳужумчига қизиқиш билдирмоқда ва унинг талабларини тўлиқ қондирмоқчи.

Шу билан бирга, Роналдунинг манкунианликлар сафида қолиш эҳтимоли жуда ҳам паст. Боиси, унинг агенти Хорхе Мендеш Криштианудан бошқа жамоага ўтишини талаб қилмоқда. Миш-мишларга кўра, томонлар бир неча марта музокара ўтказган.

Ўтган мавсумда Роналду “Манчестер Юнайтед”нинг барча мусобақалар доирасидаги 39 та ўйинда майдонга тушиб, ўз ҳисобига 24 та гол ва 3 та голли узатмани ёздириб қўйган. Унинг клуб билан шартномаси 2023 йилнинг 30 июнига қадар амал қилади.