Роналдунинг қадри ўтяпти

“Манчестер Юнайтед” жорий мавсумни жуда қийин бошлади. Эрик тен Хаг шогирдлари олтита ўйиндан учтасида мағлуб бўлди.

Манчестерлик мухлислар нидерландиялик бош мураббийни мағлубиятларда бош айбдор санамоқда. Бундан ташқари, Криштиану Роналдунинг қарийб бир йил муқаддам жамоадан кетказилишида айнан Эрик тен Хаг ҳиссаси катталигини таъкидлашяпти.

Ашаддий фанатлар Эрик тен Хагга Роналду кетганидан кейин ҳам натижаларда кўзга ташланадиган ўсиш бўлмаганини таъна қилмоқда.

Хусусан, “Брайтон”га қарши ўтказилган ва бой берилган аввалги учрашувда мухлислар Роналдуни исмини айтиб, куйлагани ижтимоий тармоқларда кўп томоша қилиняпти.