Роналдунинг йўқлиги "Реал"га яққол сезилмоқда. Чунки...

Мадриднинг "Реал" клуби якунланиб бораётган 2019 йилда барча мусобақаларни қўшиб ҳисоблаганда рақиблари дарвозасига жами 100 та гол урди. Бу ҳақда Mister Chip хабар бермоқда.

Айтиш керакки, жамоада Криштиану Роналду тўп сурган йилларда “қироллик клуби” 130 тадан кам гол урмаган.

“Реал” 2010 йил 130 та, 2011 йил 167 та, 2012 йил 156 та, 2013 йил 156 та, 2014 йил 178 та, 2015 йил 140 та, 2016 йил 152 та, 2017 йил 156 та, 2018 йил 142 та гол урган.

Эслатиб ўтамиз, Роналду 2009-2018 йилларда “Реал” шарафини ҳимоя қилган ва кейин “Ювентус”га кўчиб ўтган.