Россия терма жамоаси сентябрь ойида ким билан ўртоқлик ўйини ўтказиши маълум

Россия терма жамоаси Миср олимпия терма жамоаси билан иккита ўртоқлик учрашуви ўтказади. Учрашувлар шу йилнинг сентябрь ойида бўлиб ўтади. Бу ҳақда Миср футбол ассоcиаcияси бош котиби Волид Ал-Аттор маълум қилди.

“Россия терма жамоаси билан Мисрда ўтказиладиган ўртоқлик ўйинлари ҳақидаги маълумотни тасдиқлашим мумкин. Бизда аллақачон аниқ саналар бор - 7 ва 11 сентябрь”, - дея Ал-Аттар сўзларини келтиради Sport Express.

Аввалроқ Россия терма жамоаси сентябрдаги йиғин доирасида Қатар билан ҳам ўйнаши мумкинлиги ҳақида хабар берилганди.

Россия футбол иттифоқи (РФУ) Россия терма жамоасининг сентябрдаги йиғиндаги рақиблари ҳақидаги маълумотларни ҳали эълон қилгани ёки тасдиқлаганича йўқ.