Россия терма жамоаси собиқ футболчиси фаолиятини якунламоқда

Россия терма жамоаси собиқ ярим ҳимоячиси Александр Самедов тез орада фаолиятини якунлайди. Бу ҳақда рус нашрлари хабар тарқатмоқда.

Юқоридаги манбаага кўра гарчи 34 ёшли футболчида “Уфа” клубидан таклиф бўлаётган бўлсада, у бутсаларини михга илишга қарор қилган.

Маълумот учун, Самедов ўтган мавсумни Москванинг “Спартак” клубида бошлаб, қишки трансферлар даврида “Крилья Советов”га кўчиб ўтган эди. Ёзда унинг самараликлар билан амалдаги шартномаси ўз ниҳоясига етади ва томонлар келишувни узайтирмасликка қарор қилишди.

Эслатиб ўтамиз, Самедов фаолияти давомида “Локомотив” Москва, “Спартак” Москва, “Динамо” Москва, “Москва” ҳамда “Крилья Советов” каби клубларда ўйнаган. Россия терма жамоасида эса 53та ўйин ўтказиб, 7та гол уришга эришган.