Россиялик собиқ футболчи ЖЧда Ўзбекистондан нималар кутаётганини айтди

СССР терма жамоасининг собиқ футболчиси Андрей Канчельскис 2026 йилги жаҳон чемпионатидан кутаётган натижаларни айтиб ўтди.

“Бу сафарги жаҳон чемпионатида ўзгача ва унчалик кучли бўлмаган жамоалар иштирок этади, бу эса ноқулайлик туғдиради. Аммо биз қизиқарли терма жамоаларни, жумладан, Ўзбекистон терма жамоасини кузатамиз. Ўйлайманки, ўзбекистонликлар ўзлари учун дебют мусобақада кутилмаган "совға" тақдим этишлари мумкин", - деди Канчельскис “Евро Футбол.ру” га берган интервьюсида.

Эслатиб ўтамиз, АҚШ, Мексика ва Канада яшил майдонларида ўтказиладиган жаҳон чемпионати 11 июндан 19 июлга қадар бўлиб ўтади.

Абдувалиев Азизбек