Россиялик собиқ футболчи Ўзбекистон ва Испания терма жамоаларига мухлислик қилади

Россиялик собиқ футболчи Дмитрий Кузнецов бўлажак жаҳон чемпионатида қайси жамоалар иштирокидаги ўйинларни кузатишини маълум қилди.

Дмитрийнинг сўзларига кўра, у Испания ва Ўзбекистон терма жамоаларини қўллаб-қувватлайди.

“Мени терма жамоанинг ўйини ва йигитларнинг индивидуал кўриниши жуда қизиқтиради. Ўзбекистонга мухлислик қиламан, у ерда бизга таниш бўлган футболчилар ўйнайди,” — дея Кузнецовнинг сўзларини “Match TV” келтиради.

Эслатиб ўтамиз, 2026 йилги жаҳон чемпионати 11 июнь куни Мексика ва Жанубий Африка Республикаси ўртасидаги ўйин билан бошланади. Турнир финали эса 19 июль куни Нью-Йоркда бўлиб ўтади.