Rossiyalik tennischilar "Australian Open"da ilk bor bunday natijani qayd etdi

"Australian Open-2021"da nimchorak final uchrashuvlari o‘tkazildi. Ushbu bosqichda ishtirok etgan 16 sportchidan 8tasi o‘z yurishini keyingi bosqichda davom ettirishga muvaffaq bo‘ldi.

E’tiborli jihati, rossiyalik tennischilardan 3 nafari kuchli sakkiztalikka kirishga erishdi. Bunday holat tarixda ilk bor kuzatilmoqda. 20 tartib raqam ostida saralangan Feliks Oje-Alyassimni mag‘lub etgan Aslan Karatsev rus sportchilaridan birinchi bo‘lib keyingi bosqichga chiqdi.

Ikkinchi yo‘llanma Andrey Rublyovga nasib etdi. Norvegiyalik Ruud Kasperga qarshi kortga chiqqan Rublyov texnik g‘alaba tufayli chorak finalga yo‘q oldi. Uning raqibi 2 setni boy berganidan keyin, o‘yinni davom ettira olmadi.

Shuningdek, AQSh sharafini himoya qilgan MakKenzi MakDonalddan 3 setda, 6:4, 6:2, 6:3 hisobida ustun kelgan Daniil Medvedev Rossiyaga "Australian Open" chorak finalining 3-chiptasini taqdim etdi.