"Ростов" Шомуродовни сотишга рози бўлди

"Ростов" клуби Элдор Шомуродовни "Женоа" клубига сотиб юборишга розилик берди.

Спорт-Экспресс нашрининг хабар беришича, Италия клуби форвард учун 9 млн евро ва қўшимча бонуслар тўлайдиган бўлди. Бундан ташқари, генуяликлар Ўзбекистон терма жамоаси ҳужумчисини сотадиган бўлса, 15 фоиз улуш "Ростов" клубига насиб қилади.

Sport Italia журналисти Жанлуижи Лонгари маълум қилишича, Италия ва рус клублари ўртасидаги музокара якуний босқичда турибди.