Рой Жонс Отабек Умаровни Ўзбекистон ММА ассоциацияси президенти бўлганлиги билан табриклади ёхуд у Тошкентга ташриф буюрадими?

Президент хавфсизлик хизмати раҳбари биринчи ўринбосари, Триатлон федерацияси раиси Отабек Умаров Ўзбекистон ММА ассоциацияси президентлигига тайинланганлиги билан бокс бўйича собиқ жаҳон чемпиони Рой Жонс ўзининг Instagram саҳифасида видео тарзда табриклаган.

“Отабек, укам, табриклайман ва таклиф учун раҳмат. Бундай воқеанинг бир қисми бўлишдан бахтиёрман!”,- деган АҚШлик боксчи.

Хабарингиз бор, 23 ноябрь куни Тошкентда GFC 20 юбилей турнири бўлиб  ўтади. Рой Жонс ушбу сўзлари билан, мазкур турнирга ташриф буюриш эҳтимоли борлигига шаъма қилган.