Рўзиқул Бердиев: "Гол уришимиз шарт"

Хабарингиз бор, эртага Қаршининг "Насаф" жамоаси ОЧЛ 4-тури доирасида "Ал-Файсали" жамоаси билан куч синашади. Бугун ушбу баҳс олдидан матбуот анжумани ташкил этилди. 

"Аждарлар" сафида Рўзиқул Бердиев билан биргаликда Норчаев ҳам мазкур матбуот анжуманида иштирок этди. 

Рўзиқул Бердиев

Барчага ассалому алайкум. "Ал Файсали" гуруҳимиз етакчиси бўлиб турибди. Улар ўтган учта ўйинда бунга муносиблигини исиботлади. 3-турдаги учрашувда хатоларимиз эвазига ютқаздик. Эртанги баҳсда хатоларимизни тўғрилаб, керакли натижа қайд этишга ҳаракат қиламиз. 

Насаф биринчи ўйиндаги мағлубиятдан кейин иккинчи учрашувда яна автобус қўйган рақиб билан ўйнайди. Бунга жамоа тайёрми?

Жамоа жуда автобус қўйиб олмади-ю, лекин яхши ҳимояланди. Биз эртанги ўйинда рақиб қанчалик зич ҳимояланса ҳам уларнинг дарвозасига йўл топишимиз шарт.