РПЛ. "Динамо" - "Ростов": Матнли трансляция

  • 90+5'

    Учрашув якунланди. Матнли трансляция Жавоҳир Азимов томонидан олиб борилди.

  • 90+4'

    Никола Моро сариқ карточка билан жазоланди.

  • 90+2'

    Ростовликлар охирги кучини тўплаб, олдинга ўтмоқда.

  • 90'

    Асосий вақтга 4 дақиқа қўшиб берилди.

  • 87'

    Ионов ўз ўрнини Ковалёвга бўшатиб берди.

  • 83'

    Пойтахтликлар устози Новиков сўнгги захира имкониятларидан ҳам фойдаланди: Филипп ва Н'Жи майдондан олинди. Уларнинг ўрнига Москвичёв ҳамда Терехов тушди.

  • 80'

    Чап қанотдан узатилган пас ростовликлар ҳужумчилари учун кучлилик қилди.

  • 77'

    "Ростов" таркибида бир вақтда 3 ўзгариш: майдонда ҳаракат қилган футболчилардан Козлов, Норманн ҳамда Чернов захирага олинди. Энди қолган вақт давомида уларнинг ўрнида Байрамян, Хасимото ва Тошевский ўйинни якунлаб қўяди.

  • 76'

    "Динамо" ҳужумчиси воқеалар ривожидан бироз илгарилаб кетди.

  • 73'

    Асосий вақтни ҳимояда ўтказиб, кези келганида тезкорлик билан олдинга ўтаётган москваликлар яна бир бор ҳавфли вазият яратишди.

  • 71'

    Яқиндагина майдонга тушган Игбун тўп учун курашда енгил жароҳат олди. Шифокорлар унга биринчи ёрдам кўрсатмоқда.

  • 69'

    Фомин ўрнига Никола Моро майдонга тушди.

  • 68'

    Ростовликлар гол учун тинмай ҳаракат қилмоқда. Лекин рақиб яхши ҳимояланяпти.

  • 67'

    Карпиндан ҳам илк юриш: Ерёменко ўз ўрнини Данил Глебовга бўшатиб берди.

  • 64'

    Пойтахтликлар таркибида ўзгариш: гол муаллифи Комличенко ва Шиманьский майдонни тарк этди. Уларнинг ўрнига Игбун ва Карапузов ўйинга қўшилди.

  • 61'

    Н'Жи катта тезликда қарши ҳужумга ўтди ва жамоадошига пас оширди. Аммо шериги вазиятдан фойдалана олмади.

  • 60'

    Иккинчи қаватдаги курашда қўполлик ишлатгани учун Паршилюк ҳам сариқ карточка олди.

  • 58'

    Мамаев жуда қулай вазиятда тўпни ўзига бўйсундира олмади. Дарвозабон тўпни ушлаб олди.

  • 56'

    Ерёменконинг узоқ масофадан берган зарбасини рақиб посбони Шунин эгаллаб олди.

  • 54'

    Комличенконинг оёқларига ортдан тепгани учун Шомуродов сариқ карточка билан огоҳлантирилди.

  • 51'

    Н'Жи ўнг қанотдан ёриб кирди ва зарба йўллади. Аммо унинг уриниши анча ноаниқ кетди.

  • 49'

    Москваликлар тезкор қарши ҳужумга интилишди. Бироқ "Ростов" ҳимоячиси хавфни бартараф этди.

  • 46'

    Бўлим аввалида Мамаев олдига ўтди. Аммо ҳужумдаги шериклари уни ёлғизлатиб қўйишди.

  • 46'

    Иккинчи тайм бошланди!

  • 46'

    Жамоалар майдонга қайтди. Биз ҳам қайтамиз.

  • 45'

    Танаффус.

  • 45+'

    "Ростов" ҳам пенальти амалга ошириши мумкин эди. Аммо ВАР бундай деб ҳисобламади. 

  • 45+'

    Биринчи бўлимга 2 дақиқа қўшиб берилди.

  • 45'

    ГОООООООООООООЛЛЛЛЛЛЛЛЛЛЛЛЛЛ!!! Комличенко бурчакдан узатилган тўпни боши билан дарвозага жойлаб қўйди. Песьяков бу зарба олдида ожиз эди.

  • 44'

    "Динамо" футболчиси жарима майдони ичидан зарба бериш имконига эга бўлди. Тўп дарвозанинг олис бурчагига бориб тушиши мақсад қилинган бўлса-да, ноаниқ йўналиш олди.

  • 42'

    ГООООООООООООООЛЛЛЛЛЛЛЛЛЛ!!! Филипп пенальтини хотиржам амалга оширди. 

  • 40'

    "Ростов" дарвозасига пенальти.

  • 38'

    Ҳакам "Ростов" дарвозасига пенальти белгилашни кўриб чиқмоқда. Аниқроғи, ВАРдаги ҳакамлар.

  • 36'

    Шомуродов узоқдан узатилган тўпга охиригача курашди ва жамоасига бурчак зарбаси ишлаб берди.

  • 34'

    Норманн ва Н'Жи сариқ карточка ишлаб олишди.

  • 33'

    Москваликлар ҳужумда қоидани бузди. Футболчилар ўзларини босиб олиши керак.

  • 30'

    "Динамо" Москва ажойиб вазият яратди. Қарши ҳужум идеал тарзда ташкил қилинди. Филиппнинг якуний зарбаси эса оёққа ўрнашмади.

  • 26'

    Паршилюк офсайдда қолиб кетгани кўрсатилди. Аммо такрорий вазиятлар ҳакамлар хато қилганини намойиш этмоқда.

  • 26'

    "Ростов" тинимсиз ҳужумлардан сўнг темпни бироз туширди. Улар бутун тайм мобайнида бундай юқори босим уюштира олмас эдилар.

  • 24'

    Москваликлар бурчак тўпи амалга оширилаётган пайтда қоидани бузишди.

  • 23'

    "Динамо" жарима зарбаси ижро этди. Ҳимоячилар тўпни майдон ташқарисига чиқариб юборишди.

  • 20'

    Шомуродов дарвозанинг олис бурчагига тўпни жойлаб қўйиши мумкин эди. Бироқ тўп етарлича айланмади.

  • 20'

    "Ростов" футболчилари марказда ўзаро узатмалар билан вазият пойламоқда.

  • 17'

    Ён чизиқдан узатилган тўпга Козлов ета олмади.

  • 16'

    Зайнутдинов рақиби Скопинцевнинг танасига оёқлари билан зарба бериб юборди. Рефери уни сариқ карточка билан жазолади.

  • 14'

    Марказга етказиб берилган қулай узатмани Чернов тўхтата олмади. Яхши вазият бой берилди.

  • 12'

    Динамо футболчиси рақиби билан тўқнашувдан сўнг ўзини бироз ёмон ҳис қилди. Шифокорлар унга ёрдам кўрсатишди.

  • 10'

    Биринчи декада меҳмонларнинг устунлигида ўтди.

  • 9'

    Мамаевнинг тўпни йўқотиши жамоасига панд бериши мумкин эди. Бироқ вазият марказдаёқ бартараф этилди.

  • 7'

    Ионовнинг узатмасидан кейин Ерёменко қулай вазиятда зарба бера олмади.

  • 5'

    Меҳмонлар орқа чизиқда бироз қалтис ўйнади. Уларнинг бахтига рақиб ҳужумчиси хатодан фойдалана олмади.

  • 4'

    Ростовликлар тўп назоратини қўлга олган ҳолда, позицион ҳужум уюштирмоқда.

  • 2'

    Баҳс бошида "Ростов" вакиллари ҳавфли ҳужум ташкиллаштиришди. Қанотдан узатилган тўпга Шомуродов бироз ета олмади

  • 1'

    Учрашув бошланди!

  • 0'

    Жамоалар майдонга тушиб келмоқда. Бош ҳакам Николай Волошиннинг рухсати билан ўйин старт олади.

  • 0'

    Ассалому алайкум, футбол ихлосмандлари. Қизиқарли учрашувга марҳамат!

Фикрлар

Саралаш
Фикр қолдириш учун авторизациядан ўтинг!