РПЛ. "Нижний Новгород" сафарда мағлуб бўлди. Йўлдошев 59 дақиқа ўйнади

Россия чемпионатининг 11-туридан ўрин олган "Крилья Советов" ва "Нижний Новгород" жамоалари ўртасидаги ўйин бўлиб ўтди. Мазкур учрашувда майдон эгалари 2:0 ҳисобида зафар қучди.

"Нижний Новгород" жамоаси сафида ҳаракат қилаётган Иброҳимҳалил Йўлдошев баҳсни асосий таркибда бошлади ва 59-дақиқада захирага олинди.

Маълумот учун, Кержаков қўл остидаги жамоа айни дамда 14 очко билан 10-ўринда бормоқда. 8-ўриндаги "Крилья Советов" ҳисобида 16 очко мавжуд.