РПЛ. Ўрунов 20 дақиқа ўйнаган баҳсда "Уфа" амалдаги чемпиондан очко тортиб олди!
Россия Премьер-лигаси 2-туридан ўрин олган "Уфа" - "Зенит" учрашувида 1:1 ҳисоби қайд этилди.
Ўйиннинг 10-дақиқасида Малком тезкор голи билан ҳисобни очган бўлса, 73-дақиқада Хамид Агаларов тарози паллаларини тенглаштирди. Асосий вақт якунига қадар ҳисоб ўзгармади. Мазкур баҳсда Ўрунов 75-дақиқада майдонга тушди ва бир неча вазиятда ўзини кўрсатди.
Шундай қилиб, 2 очко йўқотган меҳмонлар очколари сонини 11 тага етказиб олган ҳолда, 2-ўринда қолди. 11-поғонадаги "Уфа" ҳисобида 5 очко мавжуд.
- 90+5'
Учрашув якунланди. "Зенит" Бошқирдистонда очко йўқотди.
- 90+3'
Юрий Журавлёвга сариқ карточка кўрсатилди.
- 90+2'
Венделнинг яқин масофадан берган зарбаси бироз ноаниқ кетди.
- 90'
Ўйиннинг асосий вақтига 4 дақиқа қўшиб берилди.
- 87'
"Зенит" назоратни ўзида ушлаб турибди. "Уфа" қарши ҳужумдан умид қилмоқда.
- 85'
Клаудиньонинг яқин масофадан берган зарбасини дарвозабон қайтарди.
- 84'
Ғалаба ва 3 очко мезбонларда қолади, чоғи?! "Уфа" анча хавфли ҳужумлар уюштирмоқда.
- 82'
Ўруновнинг узатмасидан сўнг бирга-бир вазиятга чиққан Агаларовнинг зарбасини дарвозабон қайтарди.
- 81'
"Зенит"да стандарт вазият. Тўпни жарима майдонига ошириш учун қулай имконият.
- 79'
Кротовнинг жарима майдони ташқарисидан йўллаган зарбаси бироз ноаниқ кетди.
- 78'
Сўнгги дақиқаларда мезбонлар катта устунлик намойиш этмоқда.
- 76'
"Зенит"да Ерохин ўрнига Мотовой майдонга тушди.
- 75'
Остон Ўрунов майдонга тушди! Камилов унга ўз ўрнини бўшатиб берди.
- 73'
ГОООООООООООЛ! "Уфа" ҳисобни тенглаштирди!
Хамид Агаларов жарима майдони ичидан берган зарбаси билан дарвозабонни ожиз қолдирди!
- 72'
"Уфа"нинг навбатдаги ҳужуми ноаниқ пас туфайли охирига етмай қолди.
- 71'
Дзюба ва Караваев ўрнига Азмун ҳамда Сутормин майдонга тушди.
- 70'
Кротовнинг зарбасидан сўнг тўп рекошет натижасида бошқа йўналишга кетди.
- 68'
"Cooling break!" Ҳакам футболчиларни майдон четига чорлади.
- 66'
Агаларовнинг зарбасидан кейин дарвозабон тўпни ушлаб олди.
- 65'
Качинтуранинг зарбасидан кейин тўп устун ёнгинасидан ўтиб кетди.
- 63'
Остон Ўрунов майдонга тушишга тайёргарлик кўрмоқда! Қани ўзинги кўрсат, Остон!
- 62'
"Уфа" сафида Кротов ҳамда Бауэр ўйинга қўшилди. Улар ўрнига Алиев ва Жемалитдинов ўйинга қўшилди.
- 59'
Петерликлар тўп назоратини қайтариб олди.
- 57'
Семак шогирдларининг комбинациялари рақибни ожиз қолдирмоқда.
- 54'
Филип Мрзлякка тиббий ёрдам кўрсатилди.
- 52'
"Зенит" тўп назоратини қўлга олиш орқали рақиб шаштини пасайтиришга уриняпти.
- 50'
Артём Дзюбанинг яқин масофадан берган зарбаси устундан қайтди.
- 49'
Иккинчи бўлим бошида майдон эгалари анча фаол ўйин кўрсатмоқда.
- 47'
Камиловнинг кучли зарбасидан кейин дарвозабон тўпни қайтарди.
- 46'
Иккинчи тайм бошланди!
- 45+2'
Танаффус!
- 45'
Биринчи таймга 2 дақиқа қўшиб берилди.
- 43'
Караваевнинг жарима майдони ичидан берган зарбасига аниқлик етишмади.
- 40'
Бўлим сўнгида томонлар бироз тезликни пасайтирди.
- 38'
Малкомнинг жарима майдонига оширган тўпини ҳимоячилар узоқлаштирди.
- 36'
Барриоснинг стандартдан йўллаган зарбаси устун ёнгинасидан ўтиб кетди.
- 34'
Жарима майдони остонасида Клаудиньо йиқитилди. "Зенит"да қулай имконият.
- 31'
Барриоснинг ўткир бурчакдан йўллаган зарбасига аниклиқ етишмади.
- 29'
Ракицкийга тиббий ёрдам керак. У майдонда ётибди.
- 26'
Ҳаво ҳарорати юқори бўлганлиги учун ҳакам футболчиларга салқинланиб олиш имкониятини тақдим этди.
- 24'
Жарима майдонига оширилган тўпни дарвозага йўллаган Ерохин мўлжалда адашди.
- 22'
Умумий назорат Семак шогирдлари томонда бўлиб турибди.
- 19'
Кержаков дарвозаси томон олис масофадан берилган зарбага аниқлик етишмади.
- 17'
Петерликлар бурчак зарбасидан унумли фойдалана олмади. Ҳимоячилар яхши ҳаракат қилди.
- 15'
Нисбатан камроқ олдинга ўтаётган "Зенит"нинг уринишлари хавфли чиқяпти.
- 12'
Бошқирдистонликлар олдинга ўтмоқда, аммо хавфдан дарак йўқ.
- 10'
ГОЛ. Учрашувда ҳисоб очилди.
Ракицкийнинг узатмасидан сўнг бирга-бир вазиятга чиққан Малком дарвозабонни ожиз қолдирди.
- 8'
Тўп назорати уфаликлар томонга ўтди.
- 5'
Агаларов ҳужумда Ракицкийга нисбатан қўполлик ишлатди.
- 3'
Кутилганидек, илк дақиқалардан меҳмонлар фаоллик кўрсатмоқда.
- 1'
Учрашув бошланди!
- 0'
Футболчилар майдонга тушиб келди. Ўйин бир неча дақиқалар ичида старт олади!
Фикрлар