РПЛ. Пенальти, 2 та қизил карточка, 5 та гол - "Локомотив" ўз уйида илк бор "Ахмат"га ютқазди

Россия премьер-лигаси 5-туридан ўрин олган "Локомотив" ҳамда "Ахмат" жамоалари ўртасидаги учрашув якунланди. Унда меҳмонлар 3:2 ҳисобида ғалаба қозонди.

Дастлаб, тезкор гол орқали олдинга чиқиб олган "Ахмат" футболчилари тайм сўнгида иккинчи тўпни ҳам рақиб дарвозасига киритишди. Бунга танаффусдан кейин бир гол билан жавоб берган "темирйўлчилар" 58-дақиқада 3-тўпни ҳам ўтказиб юбордилар. Фақатгина ўйин охирига қадар ҳисобни битта голгача қисқартира олган мезбонларнинг кучи қолганига етмади.

Ҳамюртимиз Жасур Жалолиддинов бу учрашувда майдонга тушмади.

• 90+3'
  

  Учрашув якунланди! Қизиқарли ўтган ўйин матнли трансляцияси Жавоҳир Азимов томонидан олиб борилди.

• 90+2'
  

  Рақиб футболчиси билан уруш чиқарган Швец майдондан четлатилди.

• 90+1'
  

  Рақиби тўпни ўйинга киритишига очиқчасига ҳалақит берган "Ахмат" футболчиси Ильин сариқ карточка олди.

• 90'
  

  Асосий вақтга 3 дақиқа қўшиб берилди. Бироз кам эмасмикан?!

• 88'

  Криховяк рақиби оёғига зарба бериб юборди. Ҳакам уни кечирди.

• 85'

  Никита Игоревичнинг яқин масофадан берган зарбаси хавфли кўриниш олди. Аммо бироз ноаниқ.

• 83'

  Каманонинг жарима майдончаси ичидан берган зарбаси устун ёнгинаси олдидан ўтиб, майдонни тарк этди.

• 81'
  

  Мелкадзе ҳам захирага олинди.

• 80'

  Миранчукнинг жарима тўпидпн йўллаган зарбаси хавфли тус олди. Тўп дарвоза тўрига ташқи томондан тегди.

• 79'

  Меҳмонлар барча эътиборни ҳужумга қаратмоқда. Сўнгги дақиқалар супер интрига ҳадя этиши аниқ.

• 77'
  

  ГООООООООООЛЛЛЛЛЛЛ!

  "Локо" ҳисобни қисқартирди. 2-гол муаллифи Криховяк.

• 75'
  

  Рибчинский Лисов ўрнига майдонга тушди.

• 74'

  Грознийликлар тўп назоратини қўлга олишга интилмоқда.

• 71'
  

  Карточкалар кўпайиб кетмоқда. Бу сафар рақибининг қарши ҳужумини қўполлик билан тўхтатиб қолгани учун Семенов огоҳлантирилди.

• 69'
  

  Рақиби оёғини босиб олгани учун Эдер огоҳлантирилди. 

• 65'
  

  Антон Миранчукнинг кучли зарбаси жамоадоши Каманонинг юзига тегиб кетди. Унга тиббий ёрдам кўрсатилмоқда.

• 63'

  Жарима тўпини ижро этган Миранчукнинг зарбаси тўсин ва устун бириккан нуқтага тегди.

• 62'
  

  Рақиби Эдернинг формасидан тортиб йиқитгани учун Бистров иккинчи сариқ карточкага лойиқ кўрилди ва майдондан четлатилди.

• 60'
  

  Гол муаллифи Беришага сариқ карточка кўрсатилди.

• 58'
  

  ГООООООООООЛЛЛЛЛЛЛ!

  Ҳимоячилар томонидан бўш қолдирилган Бериша дарвозабон билан бирга-бир вазиятга чиқиб борди ва ҳотиржамлик билан дарвозани ишғол этди.

• 56'

  "Локомотив"га гол керак. Шу мақсадда улар олдинга бормоқда. Ўз навбатида, меҳмонлар ҳам асло бўш келмаяпти.

• 53'
  

  Меҳмонларнинг бурчак тўпи натижасида "Локо" жарима майдончаси ичида саросима юзага келди. Бироқ дарвозабон тўпни бир амаллаб эгаллаб олди.

• 51'
  

  Ўйин шиддатли ҳужумлар билан давом этмоқда. Бу сафар "Ахмат"нинг бурчак зарбаси хавфли тус олди.

• 48'
  

  ГООООООООООЛЛЛЛЛЛЛ!

  Нуқта олдига яқинлашган Миранчук дарвозабонга имконият қолдирмади.

• 47'
  

  "Локомотив" футболчилари пенальти тепиш ҳуқуқини қўлга киритишди.

• 46'
  

  Бўлимлар оралиғидаги ўзгариш: Чорлука ўрнига Куликов ўйинга қўшилди. 

• 46'

  Иккинчи бўлим бошланди!

• 46'

  Футболчилар майдонга қайтди. Навбат бизники

• 45+3'
  

  Танаффус!

• 45+2'

  Тайм сўнгини грознийликлар ҳужумда ўтказмоқда.

• 45'
  

  Биринчи бўлимга 3 дақиқа қўшиб берилди.

• 45'
  

  ГООООООООООЛЛЛЛЛЛЛ!

  Тайм охирида меҳмонлар ҳисобни яна биттага оширди. Тимофеевнинг зарбаси йўлига ҳеч ким тўғаноқ бўла олмади.

• 44'
  

  Футболчилар бир-бирини аямай ўйнаяпти. Бу сафар Ненахов тиббий ёрдам олмоқда.

• 42'
  

  Бистровнинг яқин масофадан берган зарбасини Гильерме қайтарди. Қайтган тўп ҳимоячининг елкасига тегди. Бу вазиятда меҳмонлар пенальти сўрамоқда.

• 40'
  

  Майдонда ҳаракат қилган Понсе ўрнига Мелкадзе ўйинга қўшилди.

• 39'
  

  Чорлукага тиббий ёрдам кўрсатилмоқда.

• 38'
  

  Чорлуканинг ортидан чалган Бистров сариқ карточка билан жазоланди.

• 36'

  Мезбонларнинг ҳужамлари тобора хавфли кўриниш олмоқда. Уларга гол зарур.

• 34'
  

  Тимофеевнинг оёғини босиб олгани учун Жемалитдинов сариқ карточка билан жазоланди.

• 32'

  Каманонинг навбатдаги ҳавфли уринишини ҳимоячилар базўр бартараф этишди.

• 30'

  Рақибига нисбатан бироз қалтис ўйнаган Нижич оғзаки огоҳлантириш олди. Кейингиси карточка бўлиши мумкин.

• 28'

  Каманонинг қулай позициядан берган зарбаси тўсин юқорисидан ўтиб кетди.

• 25'
  

  Грознийликлар таркибида Ненахов сариқ карточка олди.

• 24'
  

  Игнатьев рақибига нисбатан қўпол ўйнагани учун огоҳлантирилди.

• 23'

  Жамоадошининг узатмасига Бистров ета олмади.

• 20'
  

  "Ахмат" ҳимоячиси Ненаховга тиббий ёрдам кўрсатилди.

• 18'
  

  Мезбонлар футболчисининг жарима майдончаси ташқарисидан берган зарбасини Шелия қайтарди.

• 17'

  Иккала жамоа ҳам навбати билан хавфли ҳужумлар уюштирмоқда. Тўп майдон марказида турмаяпти.

• 14'
  

  Эдернинг 5 метр масофадан берган зарбасини рақиб кипери Шелия ушлаб олди.

• 13'
  

  Миранчук "темирйўлчилар" сафидаги энг фаол футболчи бўлиб турибди. Унинг бурчак зарбасидан оширган тўпи хавфли кўриниш олди.

• 11'

  Антон Миранчукнинг жарима майдончаси ичига қулай узатмасини рақиб посбони ушлаб олди.

• 9'

  "Ахмат" футболчисининг узоқ масофадан берган зарбаси дарвоза устунига тегди.

• 7'

  Ҳисобда олдинга ўтиб олган грознийликлар тўп назоратини ҳам қўлга олмоқда.

• 4'

  Бош ҳакам ВАР орқали офсайд ҳолатини текширди. Бу ерда ўйиндан ташқари вазият йўқлиги ойдинлашди.

• 3'
  

  ГООООООООООЛЛЛЛЛЛЛ!

  Ўнг қанотда катта бўшлиққа эга бўлиб, дарвозабон билан бирга-бир вазиятга чиқиб борган Владимир Ильин ҳисобни очди.

• 2'
  

  Меҳмонлар илк хавфли ҳужумни зарба билан якунлади. Тимофеевнинг уринишини Гильерме бартараф этди.

• 1'
  

  Учрашув бошланди!

• 0'

  Футболчилар майдонга тушиб келишди.

• 0'

  Ўйин бир неча дақиқалар ичида старт олади. Бизни қизиқарли баҳс кутаётгани шубҳасиз.

• 0'

  Ассалому алайкум, азиз мухлислар. Биз билан эканлигингиздан хурсандмиз!