РПЛда ўйнаган футболчи "Металлург"га ўтди

"Росич" клуби ҳимоячиси Евгений Макеев Бекабоднинг "Металлург" жамоасига ўтди. Бу ҳақда рус клуби матбуот хизмати хабар тарқатди. 

31 ёшли футболчи 2020 йил "Росич"га келиб қўшилганди. Ўтган мавсумда Макеев жамоасига Москванинг ҳаваскор футбол клублари ўртасида кечган чемпионатда олтин медаль ютишига кўмаклашди. 

Макеев фаолияти давомида "Спартак", "Сочи", "Ростов" ва "Арарат" жамоалари шарафини ҳимоя қилган. Шунингдек, Евгений Россия терма жамоаси сафида уч марта ўртоқлик учрашувларида майдонга тушган.