Рубен Аморим: "Манчестер Юнайтед"да узоқ қолмоқчиман"

"Манчестер Юнайтед" бош мураббийи Рубен Аморим клубдаги фаолиятининг биринчи йили ҳақида фикр билдирди. Португалиялик мутахассис 2024 йил 1 ноябрда жамоа бошқарувига тайинланган эди.

"Бу йил осон кечмади. Яхши паллалар ҳам, оғир дамлар ҳам бўлди. Лекин мен жуда кўп нарса ўргандим. Энг муҳими — қийин вазиятларда ҳам ўз ишончим ва қарашимга содиқ қолишни англаб етдим.

Ҳозир берган жавобим уч ҳафта аввал айта оладиганимдан анча яхшироқ. Бу менинг ҳаётимдаги энг катта ютуқлардан бири, шунинг учун бу ерда яна узоқ йиллар қолишни хоҳлайман", — деди Рубен Аморим.