Рус гўзали ПСЖнинг ўйинини томоша қилди ва клуб президенти билан суратга тушди (фото)

ЖЧ-2018 нинг расмий элчиларидан бири Виктория Лопирёва кеча оқшом Франция чемпионати 19-туридан ўрин олган ПСЖ ҳамда “Канн” жамоалари ўртасидаги баҳс (3:1)ни бевосита стадиондан туриб томоша қилди. Бу ҳақда “Чемпионат” хабар бермоқда.

Учрашувдан сўнг россиялик гўзал ўзининг “Тwitter” ижтимоий тармоғидаги расмий саҳифасида Париж клуби президенти Носир Ал-Хелайфи билан тушган суратини эълон қилди.

“ПСЖ учун йилнинг ажойиб якуни. Носир Ал-Хелайфи ҳамда клуб ишқибозларини табриклайман. Янги йилда бунданда кўп ғалабалар кўп бўлишини тилаб қоламан”, – деб суратга изоҳ қолдирди Виктория хоним.

Қайд этиш жоиз, Лопирёва бундан олдин ЕЧЛ 5-туридан ўрин олган ПСЖ ҳамда “Селтик” жамоалари ўртасидаги учрашувни ҳам “Парк Де Пренс”дан туриб кузатган эди.