Ruslan Abdullaev ham o‘z jangini muddatidan oldin g‘alaba bilan yakunladi

Toshkentdagi "Humo arena"da boks bo‘yicha jahon chempionati davom etmoqda. Bugun 4 nafar bokschimiz ringga ko‘tariladi. E’tiborlisi, ular orasida Bahodir Jalolov va Hasanboy Do‘smatov kabi Olimpiada chempionlari bor.

-63,5 kg: Ruslan Abdullaev - Oer Ibarreche (Ispaniya) (14:55dan so‘ng, B ring)

-48 kg: Shodiyorjon Meliqo‘ziev - Rabin Tapa (Nepal) (18:00, A ring)

-51 kg: Hasanboy Do‘smatov - Alberto Ximenes (Meksika) (18:55 dan so‘ng, A ring)

+92 kg: Bahodir Jalolov - Danis Latipov (Bahrayn) (20:10 dan so‘ng, A ring)

--------------------------------------------------------------------------------------------------------------------------------

Bokschilar Ruslan Abdullaev - Oer Ibarreche ringga chiqib kelmoqda. Hamyurtimiz qizil formada, uning raqibi ko‘k libosda harakat qiladi.

Birinchi raund boshlandi.

Ruslan ilk soniyalardan raqibga bosim qilishni boshladi. U raqibiga 3 bor kuchli zarba berdi. Ruslaning yana bir yakkalik zarbasi Oer Ibarrechening yuz qismiga tegdi va hisob ochildi. U jangni davom ettirishini bildirdi.

Yana zarba va yana hisob ochildi. Referi Oer Ibarrechening holatini ko‘rmoqda. Bo‘ldi texnik nokaut. Ruslan jangni muddatidan avval g‘alaba bilan yakunladi.