Руслан Абдуллаев ҳам ўз жангини муддатидан олдин ғалаба билан якунлади

Тошкентдаги "Ҳумо арена"да бокс бўйича жаҳон чемпионати давом этмоқда. Бугун 4 нафар боксчимиз рингга кўтарилади. Эътиборлиси, улар орасида Баҳодир Жалолов ва Ҳасанбой Дўсматов каби Олимпиада чемпионлари бор.

-63,5 кг: Руслан Абдуллаев - Оер Ибаррече (Испания) (14:55дан сўнг, Б ринг)

-48 кг: Шодиёржон Мелиқўзиев - Рабин Тапа (Непал) (18:00, А ринг)

-51 кг: Ҳасанбой Дўсматов - Альберто Хименес (Мексика) (18:55 дан сўнг, А ринг)

+92 кг: Баҳодир Жалолов - Данис Латипов (Баҳрайн) (20:10 дан сўнг, А ринг)

--------------------------------------------------------------------------------------------------------------------------------

Боксчилар Руслан Абдуллаев - Оер Ибаррече рингга чиқиб келмоқда. Ҳамюртимиз қизил формада, унинг рақиби кўк либосда ҳаракат қилади.

Биринчи раунд бошланди.

Руслан илк сониялардан рақибга босим қилишни бошлади. У рақибига 3 бор кучли зарба берди. Русланинг яна бир яккалик зарбаси Оер Ибарреченинг юз қисмига тегди ва ҳисоб очилди. У жангни давом эттиришини билдирди.

Яна зарба ва яна ҳисоб очилди. Рефери Оер Ибарреченинг ҳолатини кўрмоқда. Бўлди техник нокаут. Руслан жангни муддатидан аввал ғалаба билан якунлади.