Руслан Абдуллаевдан ҳам финалда ғалаба. Боксчимиз 200 минг долларга эга чиқди. Бешинчи олтин!

Тошкентдаги "Ҳумо арена"да бокс бўйича эркаклар ўртасидаги жаҳон чемпионати ўз поёнига етмоқда. Бугун иккинчи кунги финал жанглари ўтказилади.

-63.5 кг вазн тоифасида Руслан Абдуллаев мўғулистонлик Баатарсух Чинзоригга қарши рингга кўтарилади.

Боксчилар рингга чиқиб келди. Ҳамюртимиз қизил либосда, унинг рақиби кўк формада ҳаракат қилади.

Илк раунд Руслан Абдуллаевнинг фойдасига - 4:1.

Иккинчи раундда ҳам боксчимизнинг қўли баланд келди - 3:2.

Учинчи раундда Русланнинг устунлиги қайд этилди - 5:0. Якуний ҳисоб 5:0 ҳамюртимиз фойдасига.

Шу тариқа, Руслан Абдуллаев Ўзбекистон терма жамоасига бешинчи олтин медални олиб келди ва 200 минг доллар пул мукофонига эга чиқди.