Sabina Sharipova ertaga Xitoyda o‘ynaydi

Xitoyning Shenchjen shahrida Xalqaro tennis federatsiyasi tomonidan xotin-qizlar o‘rtasida "Pingshan Open" turniri o‘tkazilmoqda.

Sovrin jamg‘armasi  60,000 AQSh dollarini tashkil etuvchi musobaqada mamlakatimizning birinchi raqamli tennischisi Sabina Sharipova ishtirok etmoqda.

Turnirda ikkinchi raqam ostida saralangan Sabina yakkalik bahslari birinchi davrasida mezbonlar vakili Mi Ksu Vuga qarshi kortga chiqadi. Ushbu uchrashuv ertaga Toshkent vaqti bilan 08:30da o‘tkaziladi.