Сафонов Чемпионлар лигасини икки марта ютган илк россиялик бўлди

ПСЖ дарвозабони Матвей Сафонов Чемпионлар лигасини икки марта қўлга киритган илк россиялик футболчига айланди.

ТАСС маълумотига кўра, ПСЖ финалда пенальтилар сериясида "Арсенал" устидан ғалаба қозониб, тарихида иккинчи бор мусобақа ғолиби бўлди. Матвей Сафонов биринчи марта 2025 йили Чемпионлар лигаси совриндорига айланган эди. Ўшанда парижликлар финалда италиялик "Интер" жамоасини 5:0 ҳисобида мағлуб этган, Сафонов захирада қолган, майдонга тушмаган эди. Бу сафар эса россиялик дарвозабон финал учрашувини тўлиқ ўтказди.

Ўтган йили Сафонов Чемпионлар лигасини ютиб олган бешинчи россиялик футболчи сифатида тарихга кирганди. Ундан олдин бу совринни Игорь Добровольский ("Марсель", 1993 йил), Владимир Бут ("Боруссия" (Дортмунд), 1997 йил), Дмитрий Аленичев ("Порту", 2004 йил) ва Денис Черишев ("Реал", 2016 йил) қўлга киритган.