Сака: "Ҳозирча барчаси режамиз бўйича кетмоқда"

"Арсенал" ярим ҳимоячиси Букайо Сака Лондон дербисида "Вест Хэм" устидан қозонилган ғалаба ҳақида гапирди.

Сака иккинчи бўлим жамоаси учун биринчисига қараганда анча яхши ўтганини таъкидлади. Ярим ҳимоячининг қайд этишича, футболчиларнинг узоқ давом этган танаффусдан сўнг яна аввалги ўйин ритмига қайтганликлари жуда муҳим.

"Ҳаммамиз бир мақсад сари интиламиз, яъни ҳар бир учрашувда ғалаба қозониш миссияси муваффақиятли бажарилмагунча курашаверамиз. Ҳозирча барчаси режамиз бўйича кетмоқда", — дея қўшимча қилди Сака.

Эслатиб ўтамиз, Артета шогирдлари "болғачилар" устидан 3:1 ҳисобида иродали ғалаба қозониб, турнир жадвалида биринчи ўринда қолишадиган бўлди.