Салиба ЖЧ-2026 стартини ўтказиб юбориши мумкин

Франция терма жамоаси ҳимоячиси Вильям Салиба табиати аниқланмаган кичик жароҳати туфайли 2026 йилги жаҳон чемпионати бошланишини ўтказиб юбориши мумкин. Бу ҳақда Footmercato хабар берди.

Жароҳат 29 май, шанба куни бўлиб ўтган Чемпионлар лигаси финалидан кейин кучайган. Унда Лондоннинг "Арсенал" клуби Франциянинг ПСЖ жамоасига 1:1 (3:4 пен.) ҳисобида имкониятни бой берди. "Арсенал" сафида ўйнаётган Салиба ўйиннинг тўлиқ 120 дақиқасини ўйнади, натижада унинг аҳволи оғирлашди.

Француз бир неча ҳафта, жумладан 2026 йилги жаҳон чемпионати бошланишини ўтказиб юбориши мумкин. Унда Франция терма жамоаси гуруҳ босқичи доирасида Сенегал (16 июнь), Ироқ (23 июнь) ва Норвегия (26 июнь) билан куч синашади.